ЖИ-дың жалмауыз компанияларға қарсы айналғаны туралы оқиға

Үш жыл бойы бір әңгіме естіп жүрміз: ЖИ компанияларды жылдамырақ, арзанырақ, ақылдырақ етеді. Адамдарды жұмыстан қуамыз, орындарына роботтарды жалдап, табысымызды қалтамызға саламыз.

2026 жыл, нақты нәтижелер бар, бірақ олар ойдағыдай емес. Міне, сол компаниялар бойынша не болғаны.

1-ші оқиға: Klarna 700 адамды жұмыстан шығарып, кейін қайта шақырады

2024 жылдың ақпанында Klarna үлкен жаңалық жариялады: OpenAI көмегімен жасалған ЖИ-ассистент алғашқы айында 2,3 миллион клиенттік чатқа жауап берген. Компанияның мақтанып айтуынша, жүйе 700 оператордың жұмысын атқарып, пайдаға шамамен $40млн қосуы тиіс болған.

Бірақ кейін шағымдар көбейді.

ЖИ “тапсырысым қайда?” деген сияқты сұрақтарға жақсы жауап берді. Ал даулар, алаяқтық, қаржылық қиындықтар және эмоциялық мәселелер сияқты күрделі жағдайларда нашар жұмыс істеді.

Клиенттер бір мәселе бойынша қолдау қызметіне бірнеше рет хабарласуға мәжбүр болды. Қанағаттану деңгейі төмендеді.

2025 жылы Klarna басшысы Себастьян Сиемиатковски Блумбергке “біз шектен шығып кеттік” деп мойындады. Шығынды азайтуға тым қатты ұмтылып, сапаны құлатып алғандарын айтты.

Сөйтіп, компания адамдарды қайтадан жұмысқа ала бастады. Ал оларды қайта жалдау үнемдеген ақшадан да қымбатқа түсті.

2-ші оқиға: Макдоналдстың ЖИы 26 наггетке тапсырыс береді

Бұл оқиға тіпті камераға түсіп қалған. Макдоналдс 2021 жылы IBM компаниясымен бірігіп, көліктен тапсырыс қабылдайтын жерде дауыс арқылы жұмыс істейтін ЖИ жүйесін сынады. Кейін оны АҚШтағы 100ден астам мейрамханада іске қосты.

Содан кейін ТикТок бұл жүйенің қызық қателерін көрсете бастады.

Бір видеода ЖИ клиент тоқта деп жалынса да, тауық наггетстерін қоса беріп отырған. Соңғы есеп - 260 наггетс.

Басқа қателер де болды: балмұздаққа бекон қосу, карамельдің орнына сары май салу, бір тәтті шайдың орнына тоғыз шайға тапсырыс беру және көрші жолақтағы көліктің тапсырысын қабылдау.

Компания қызметкерлері жүйенің әртүрлі акценттерді түсінуде қатты қиналғанын айтты.

2024 жылдың маусымында Макдоналдс жобаны тоқтатты. Шілденің 26-сына қарай барлық сынақ мейрамханалары жүйені өшіріп тастады.

Макдоналдс АҚШтағы табысының 70 пайыздан астамын көліктен тапсырыс беру қызметінен алады. Сондықтан бұл ЖИмен ойнайтын жер емес.

3-ші оқиға: Meta мұны ойынға айналдырып, кейін өкінді

2026 жылдың басында Meta қызметкері компания ішінде “Claudeonomics” деген рейтинг жасады.

Ол Метаның 85 мыңнан астам қызметкері арасынан ЖИ токендерін ең көп пайдаланатын 250 адамды көрсетіп, оларға “Token Legend” және “Cache Wizard” сияқты атақтар берді.

Қызметкерлер мұны шындап қабылдады. Кейбіреулері рейтингте жоғарылау үшін ЖИ агенттерін бірнеше сағат бойы жұмыс істеп тұрған күйде қалдырды.

Бір 30 күндік кезеңде қызметкерлер 60 триллионнан астам токен жұмсаған. Бірінші орында тұрған қызметкердің өзі орта есеппен 281 миллиард токен пайдаланған.

Fortune есептеуінше, Claude Opus 4.6-ның ең арзан тарифімен есептегеннің өзінде, тек осы бір қызметкер Метаға $1,4 миллионнан астам шығын келтіруі мүмкін.

Екі күннен кейін Meta рейтинг тақтасын жойды.

Айтпақшы, Цукерберг үздік 250-ліктің ішінде болмаған. Оның CTO-сы да болмаған.