Конверсия — сайттың ең маңызды көрсеткіші. Конверсия дегеніміз — пайдаланушылардың тауар сатып алуы, формаларды толтыруы, пошта таратуына жазылуы және т.б. әрекет жасауы.
Осы мақалада сайттың конверсиясын көтерудің үш негізгі тәсілі туралы айтамын.
Контенттің тақырыбы және түрткісі
Жай ғана “мына пәлені сатып ал” деген жарамайды. Контенттің мазмұнында тауардың ерекшілігі, тиімділігі немесе юзердің жасайтын әрекетінің пайдасы туралы ақпарат болу қажет.
Басқаша айтсақ, бірегей сауда ұсынысы болу керек.
Трафиктың сапасы және релеванттығы
Егер сенің ұсынып жатқан тауарың юзерге қажет емес болса, ешқандай керемет дизайн мен мықты контент көмектеспейді.
Сондықтан конверсияның оңтайландыруы жарнамадан басталу қажет. Жарнамаң дүрыс аудиторияға көзделген бе?
Басынан потенциалды сатып алушының демографиялық ерекшелігін, оның әдеттерін, қай жерден сайтқа қонатынын анықтап алу керек.
Mobile first
Қазіргі таңда юзерлердің көпшілігі ғаламторды ұялы телефон арқылы аралайды. Ал сенің жарнамаң инстаграм, фейсбук сияқты жерде жарияланған болса, сенің юзерлеріңнің 100 пайызы ұялы телефон пайдаланушысы деуге болады. Сондықтан сайттағы юзердің қону парақшасы бірінші кезекте ұялы телефонға бейімділенген болуы қажет.
Алайда…
… конверсиясын оңтайландыру кезінде қайндай тәсілдерді пайдалансаңда, олардың нәтижелілігін Google Analytics сияқты құралдар немесе A/B test арқылы өлшеуге ұмытпа.
